A coral posee un amplo arquivo musical que ao longo dos anos conseguiu reunir unha gran parte do repertorio máis representativo de Galicia e do resto de España, así como do estranxeiro, tendo moitas obras donadas á coral polos propios autores das mesmas. A discografía propia abarca principalmente cancións galegas, aínda que na actualidade ese campo ampliouse a outros moitos estilos e xéneros musicais (rexional, popular, clásica, sacra ou relixiosa, ópera, zarzuela, himnos, habaneras, panxoliñas, espirituais, etc.)